15.05.2013

КІТАЙСКАЯ РУЖА ЦВІЦЕ

КІТАЙСКАЯ РУЖА ЦВІЦЕ

Прыехаў з вясенніх канікулаў: пасля Параду 9 траўня як з’ехаў у вёску, дык толькі сёння 14 траўня вярнуўся. Пасадзіў троху бульбы, пасеяў ячмень куркам. Дапамог жонцы высадзіць памідоры, іншую гародніну. Схадзіў на Вузлянку, але дарэмна: пару разоў пазабаўляўся хтосьці з маім паплаўком і на гэтым мая рыбалка скончылася.

Там, на прыродзе, адна любата і замілаванне! Не паверыце: вольна гуляюць зайцы па вёсцы. Цвітуць чаромха і нарцысы... Кукуе зязюля, нават тады, калі ў цябе, мой чытач, пустая кішэня. А як цёхкаюць салаўі! Ці чулі якія замілаваныя нашай душы і сэрцу яны выводзяць мелодыі! Вось дзе па-сапраўднаму "удивительны" на Беларусі (!) вечары! Гэта трэба адчуць кожнай клетачкай сваёй! Адчуць жа можна толькі тады, калі ты любіш гэта і паважаеш! Успомнілася маладосць...

Заходжу ў сваю гарадскую кватэру, спяшаюся пабачыць сваіх гадаванцаў. І - цуд, людцы! Стаіць на падваконні мая ружа і ўсміхаецца свайму гаспадару вялізнай купчастай кветкаю! Як я ўзрадаваўся! Прыхінуў, загаварыў з ёю. Не смейцеся, бо я ля яе тэпаю ўжо больш за год. Першыя бутоны адваліліся. Ну, думаю, усё, канец маёй задуме выгадаваць кітайскую ружу. Але насіўся з кухні ў кабінет свой, з балкона на кухню. І вось зноў напачатку траўня з’явіліся новыя бутоны, што хутка адваліліся. Амаль пасварыўся з жонкаю, думаў яна страсянула, што залішне прыбірае мой рабочы кабінет, можа і ружу сваёю рукой кранула не так. Але дарэмна злаваўся.

І вось цуд! Цвіце і радуе мяне ружа-ружачка!

КІТАЙСКАЯ РУЖА ЦВІЦЕ

Я рады і хачу з вамі падзліцца гэтай радасцю. Глядзіце, якая прыгажуня!

А вось лімоны пакулі растуць толькі ўгору. Пара прывівіваць.

Пішыце. Чакаю вашых каментарыяў.


Ваш Аркадзь Жураўлёў.

E-mail:zhuravlev@tut.by

4 комментария:

  1. Ариадна Васильевна16 мая 2013 г., 21:57

    Ув.г-н Аркадий Журавлев! Я не удивилась тому, что вы лично занимаетесь цветами.А знаете почему? Потому, что, начиная с 2008 года читаю ваш литературный интернет-блог, и заметила, что все у вас выверено в произведениях, жизненных ситуациях. Все идет от жизни, через вашу душу. Это чувствуется и поэтому воспринимается доступно и легко.Уверена, хотя я вас лично не знаю, находясь за тысячи км. от Белоруссии, что вы один из немногих писателей,кто не вызывает Музу рюмкой.И это большой плюс и пример для подрожания молодежи и будущим поколениям. Вас будут читать, я в этом уверена. Поверьте мне, человеку, который почти 30 лет проработал с книгой. Как пожелание - пишите и на русском, аудитория увеличится в разы. Удачи и спасибо вам за минуты творческого наслаждения. Ариадна Васильевна.

    ОтветитьУдалить
  2. Анонимный10 июня 2013 г., 23:17

    Малайчына, Аркадзь! Толькі беларускі пісьменнік шукае натхненне ў првродзе, а не ў чарцы! Праўда, каб так усе! Ірына В.

    ОтветитьУдалить
  3. Аркадзь Жураўлёў9 июля 2013 г., 21:49

    Усім шчыры дзякуй! Буду старацца апраўдваць вашы высокія адзнакі.
    Ваш Аркадзь Жураўлёў.

    ОтветитьУдалить