16.09.2009

Са сталіцы беларускага пісьменства

Са сталіцы беларускага пісьменства

Захаваем і памножым нашу, беларускую, спадчыну

Толькі што вярнуўся са сваёй малой радзімы, асаблівага кутка Бацькаўшчыны – Смаргоншчыны, дзе ў складзе Саюза пісьменнікаў ўдзельнічаў у агульнанацыянальным свяце – ХYІ Дні беларускага пісьменства. На адзін дзень Смаргонь быў сталіцай. І гэта нездарма: Міхал Клеафас Агінскі, Аляксандр Ходзька, Ігнат Ходзька, Габрыеля Пузына, Францішак Багушэвіч, Адам Гурыновіч, Мечыслаў Карловіч, Віктар і Янка Шутовічы, Уладзіслаў Чарняўскі, Віктар Роўда, Арсен Ліс… Імі ганарыцца Смаргоншчына. Я таксама ганаруся славутымі землякамі і тым, што таксама маю дачыненне да яе Вялікасці Кнігі.

Напярэдадні прайшоў ІІІ міжнародны форум з удзелам замежных пісьменнікаў з Сербіі, Чарнагорыі, Расіі, Польшчы, Казахстана і "круглы стол" на тэму "Мастацкі тэкст, як сродак зносін народаў". Таксама навукова-практычную канферэнцыю "Смаргонскія чытанні".

З першага дня паўсюдна гучала музыка. Вечарам гэтага ж дня на сцэне цудоўнага Летняга амфітэатра, узведзенага ў мінулым годзе да раённага свята "Дажынкі" гучала як класічная і духоўная музыка, так і творы сучасных аўтарў, народны фальклор у выкананні шматлікіх мясцовых і вядомых калектываў, а таксама артыстаў Белдзяржфілармоніі. Вечар быў прысвечаны стагоддзю кампазітара Яна Карловіча, які жыў у Вішневе, за чатыры кіламетры ад маіх Гарань і па-сяброўску, без усялякай карысці дапамагаў Ф. Багушэвічу ў выданні кніг і ўвогуле па жыцці. (Чытай "Рапсодыя Вішнеўскага возера" ў маёй другой кніжцы "Я жадаю вам дабра").

Сказаць, што проста было свята – нічога не сказаць. Гэта было духоўнае дзейства, якому папярэднічала навукова-асветніцкая экспедыцыя "Дарога да святыняў", стартаваўшы 2 верасня ад Кафедральнага сабора ў Мінску з благаславення мітрапаліта Мінскага і Слуцкага Філарэта, Патрыяршага Экзарха ўсяе Беларусі яна пераадолела дарогу ў паўтары тысячы кіламетраў праз святыя месцы краіны нашай сінявокай, прывезла лампаду з Благадатным Агнём ад Гроба Гасподня, данесла святло духоўнасці на Смаргоншчыну. Літаральна ўсе, хто быў на асвячэнні новага праваслаўнага Сабора Праабражэння Гасподняга і Божай літургіі запалілі свае свечкі ад жыватворнага агню. Адбылася пасадка Саду малітвы. Адметна тое, што сёлета папярэдне экспедыці са Смаргоні было ўзята трошкі зямлі, частка якой цягам экспедыцыі "абменьвалася" ў прамежкавых перапынках. У Смаргоні зямля з розных месцаў "паядналася", што падкрэсліла дэвіз праекта "Адзінствам і любоўю ўратуемся!"

Тэатралізавана-харэаграфічнай дзеяй распачалося афіцыйная цырымонія адкрыцця свята. На галоўнай, ля райвыканкама, іншых пяці тэматычных пляцоўках, горад вярнуўся ў сваё гістарычнае мінулае, дзе па-заліхвацку выступалі узорна-паказальны аркестр пагранічнай службы Рэспублікі Беларусь і мастацкія калектывы Гродзенскай вобласці і Смаргонскага раёна. Яркія тэатралізаваныя шоў прайшлі ў знакамітай на ўвесь свет "Смаргонскай акадэміі", "Крэўскім замку", "Паўночных Афінах", іншых імправізаваных гарадках і гістарычных куточках.

Нарэшце збылася дваццацігадовая мара маіх землякоў (з 1989 года ляжаў праёкт помніка ў чыноўніцкіх шуфлядах, - казалі кіраўнікі раённай улады, – адкрыццё ў гарадскім парку велічнага помніка аднаму з самых дарагіх Постацей сэрцу кожнага беларуса Францішку Багушэвічу, хто ўпарта, "як парастак паміж плітамі тратуара, пралез між дзвюма стыхіямі, рускай і польскай, насуперак усім …пралез са сваім і срэбным, і глыбока, па-народнаму, па-хлебнаму свежым беларускім словам".

Творчасць Ф. Багушэвіча праходзіла чырвонай стужкай цераз усё свята. Сустракаліся мы і з чытачамі, і гутарылі пра мову нашу, пра час сённяшні і пра яе Вялікасць Кнігу на фестывалі кнігі і прэсы. Наведалі літаратурную гасцёўню. Слухалі мы і пранізлівы спеў спаконвечнай дудкі беларускай у руках апантанага захавальніка спадчыннага маёнтка Францішка Багушэвіча ў фальварку Кушляны Алеся Жамойціна. І адчувалася добрая энергетыка, асаблівы дух, што лунае ў гэтым літаратурным музеі.

Цырымонія ўзнагароджання пераможцаў 49-га Нацыянальнага конкурсу "Мастацтва кнігі" і Рэспубліканскага конкурсу на лепшы твор 2008 года ў васьмі намінацыях праходзіла ў Летнім амфітэатры.

Так, у намінацыі "паэзія" Дыплом і "Залаты Купідон" уручаны Валянціне Паліканінай за кнігу "За плотью слов".

У намінацыі "проза" першае месца ўзяў Іван Канановіч за кнігу "Старыя званы".

Уладзімір Мазго са сваёй кніжкай "Цуда-вуда" таксама атрымаў Дыплом і "залатога" Купідона у намінацыі "дзіцячая літаратура.

Кніга "Сцежкамі Ігуменшчыны" Алеся Карлюкевіча прызнана лепшай сярод "літаратурнай крытыкі і літаратуразнаўства".

Рэдактар часопіса "Нёман" Алесь Бадак за кнігу "Усім пра ўсё. Расліны" адзначаны ў намінацы "Публіцыстыка".

А кніга "Хор болей не спявае" вядомага маладзечанскім тэатралам Міколы Шабовіча, які пэўны час працаваў загадчыкам літаратурнай часткі абласнога драмтэатра, што ў нашым горадзе і каго з лёгкай рукі аўтара гэтых радкоў пазнаёміў з часопісам "Вожык" дзесяць год таму, стала лепшай ў намінацыі "сатыра і гумар". Але ж пра тое Шабовіч нідзе і словам не ўспомніць.

Маладой пісьменніцы Наталлі Пусьцільнік-Марчук журы аддало перамогу ў намінацыі "драматургія" за п’есу "Тётушка Простуда і Новый год".

Упершыню прысутнічаў "гісторыка-краязнаўчы жанр", дзе лепшай прызнана кніга Наталлі Голубевай "Радимичи. Земля непокорённая". Цікавы факт – выдавецтва Беларускага Экзархата перавыдала дзесяцітысячным тыражом гэту кнігу. Пашчасціла жанчыне!

Паэты Андрэй Скарынкін, Надзея Салодкая і Леанід Крыванос занялі адпаведна п’едэстал гонару сярод песеннага жанру за свае тэксты да песень.

Узнагароды рознага кшталту атрымалі кнігавыдаведствы, паліграфісты і кнігадрукары, а таксама журналісты.

Акрамя многіх цікавых мерапрыемстваў, дзе давялося ўдзельнічаць ці проста наведваць і любавацца, як тэатральна-касцюміраванай дзеяй "Старонкі гісторыі Смаргоні", арганізатары Свята парадавалі нас харошымі, яшчэ цёпленькімі гожа выдадзенымі кнігамі: літаратурна-мастацкім выданнем Францішка Багушэвіча "Дудка беларуская"(факсімільнае выданне на дзвюх мовах), фотаальбомам "Смаргонь".

І канешне ж кнігу літаратараў гэтага краю - Смаргоншчына літаратурная "Колькі ў небе зор", укладальнікам якой з’яўляецца наш маладзечанскі Міхась Казлоўскі, збіральнік і захавальнік літаратурнай спадчыны,выдавец "Куфэрка Віленшчыны". Толькі чамусьці імя Казлоўскага ў гэты дзень не ўспаміналася, хаця ён сам прысутнічаў.

Фэст роднага Слова ўдаўся. Можна было пашпацыраваць па вулічках з мядзведзем, які з’яўляецца сімвалам горада, палюбавацца кемлівасці кожнага ўдзельніка ў "Горадзе майстроў", і набыць славутых смаргонскіх абаранак.
Смаргоньские баранки
Мару аб тым часе, калі і ў наш цудоўны Маладзечна стане сталіцай духоўнага шляху. Пакуль эстафету прыняў горад Хойнікі, Мележава зямля.

Нагадваючы палымяны наказ са славутай "Прадмовы" да "Дудкі беларускай", хачу сказаць: "Дык давайце ж, "братцы мілыя", не забываць слоў самага яркага нацыянальнага паэта ХІХ стагоддзя – закліку і запавету, помніць іх, а заадно і яго самога, усіх тых, хто першы пракрычаў на ўвесь свет – ёсць такая "зямліца – Б е л а р у с ь", ёсць такі народ – б е л а р у с к і, ёсць такая мова – б е л а р у с к а я".

"Не пакідайце ж мовы нашай беларускай, каб не ўмёрлі!"

Мы, беларусы, абавязаны шанаваць Мову, Кнігу, Радзіму. Нашу спадчыну.

Нам яе ўмацоўваць, памнажаць і перадаваць спадкаемцам, як неўміручую паходню, што асветліць будучы шлях нашых унукаў.


Ваш Аркадзь Жураўлёў (Аркадзь Шагакін)
E-mail: zhuravlev@tut.by

08.09.2009

Віншаванне Лазоўскаму

Віншаванне Лазоўскаму

Прыемна застаўся ўражаным вершамі Алеся Лазоўскага. Ведаў, што піша іх, але ціхенька. А тут... Годна. Прыстойна. І Смаргонская газета пры ім аднавілася.

Вось толькі з сённяшняга дня ён прыступае да кіраўніцтва "Маладзечанскай газетай". Віншую і веру ў тое, што Лазоўскі зробіць газету для людзей і пра людзей Маладзечанскага краю з усіх галін гаспадарання, не абыдзе і духоўнасць, літаратараў, не дасць магчымасці асобным журналістам займаць газетную плошчу мыльнымі аповедамі пра кожны дзень, праведзены "мною любимой и, ну очень талантливой"...

З прызначэннем! І ў добры шлях. Мы верым у цябе, Алесь.

Ледзь не забыў: дык ці хутка будзем шукаць "парахавую бочку" папярэдніка?


Ваш Аркадзь Жураўлёў (Аркадзь Шагакін)
E-mail: zhuravlev@tut.by

05.09.2009

Отходы в Доходы

К экологической экономике, работающей на принципах безотходного производства, или Отходы - в прибыль

На Молодечненском электромеханическом заводе, что в Беларуси, особенное внимание уделяется экономии и бережливости, разумному и рациональному хозяйствованию, разработке новых технологий и оборудования для железных дорог Беларуси и России. В последнее время изготовлены установки для переработки отходов различных производств в топливные ресурсы. Это в духе нашего быстроразвивающего времени.

Наши покупатели сберегут немало валютных средств если бы приобретали подобное оборудование за рубежом и экология нашей синеокой Беларуси будет намного чище.

На заводе уже выпущено 5 первых комплексов по переработке (брикетированию) отходов различных промышленных и сельскохозяйственных отраслей - деревообрабатывающей(опилки и стружка разных пород дерева), льнозаводов (льнотреста), сельскохозяйственного (солома,шелуха) и т.д.
Установка брикетирования опилок
В результате переработки получаются брикеты европейского стандарта, похожие на цилиндры с отверстием внутри по всей длине.

Это отличный высокоэкологичный топливный ресурс! Брикеты обладают высокой теплотворностью и сгорают без остатка (от каменного угля остается много пепла и шлаков).

Производительность - полтонны в час готового топлива. Не правда ли,здорово! И продукцию востребованную выпустил, и топливо получил, как для своего производства, так и для выгодных продаж.

Только надо побыстрее разворачиваться упомянутым отраслям к требованиям времени и приобретать эти чудо-комплексы. Зима не за горами. Тогда и экономия будет, и чистота,и прибыль.

Всем предприятиям, которых заинтересовало это новшество предлагаю обращаться на Совместное закрытое акционернае общество "Электромеханический завод", 222310, г.Молодечно Минской области, ул.Городокская,123 или на электронный адрес:
e-mail:info@memz.org

Сайт предприятия:
http://memz.org

Неравнодушный ко всему новому и прогрессивному -
Ваш Аркадий Журавлев (Аркадий Шагакин).