23.12.2013

НАВАГОДНІ ТЭСТ

НАВАГОДНІ ТЭСТ

Гумарэска

Праз лічаныя гадзіны вы, паважаныя чытачы, ўрэшце разам з роднымі і знаёмымі зберацеся за навагоднім столом. І не галоўнае якой формы той стол - у выглядзе літар П ці Г. Пажадана, каб маладыя хлопцы і дзяўчаты сядзелі на агульнай лаўцы.

Вось ўжо і тэлевізар паказвае доўгачаканыя хвіліны да поўначы, і шампанскае падрыхтавана, так што цяпер самы час праверыць у сябе і прысутных пачуццё гумару. Іначай нельга: сустрэча Новага года без жартаў і смеху немагчыма, як зіма без снегу, елка без калючак, Дзед Мароз без падарункаў.

Спецыяльна распрацаваны мною тэст дапаможа вам ў гэтай справе. Падрыхтаваліся? Пачынаем!

Пытанне 1. Існуе павер`е: калі ў навагоднюю ноч напісаць на чыстым аркушы паперы сваё запаветнае жаданне, а ў поўнач праглынуць яго, тое жаданне абавязкова збудзецца. Якое жаданне вы абавязкова запісваеце? Ажаніцца – 1 ачко. Выйсці ўдала замуж – 5 ачкоў. Купіць гумовую лодку – 6 ачкоў. Набыць іншамарку (няхай сабе дзесяцігадовы легкавічок) – 7 ачкоў. Вынесці вядро з мінулагоднім смеццем – 10 ачкоў.

Пытанне 2.У гасцях вы пацягнуліся да талеркі з вінегрэтам і неспадзявана зачапілі вазу з саксонскага фарфору, якая чамусьці адразу звалілася долу і разбілася на дробныя аскепкі, што пырснулі ва ўсе бакі. Як, на ваш погляд, павінен павесці чалавек з пачуццём гумару? Весела закрычаць, хлопаючы ў ладкі: “Посуд б`ецца - чакай шчасця!”–0 ачкоў. У жартаўлівай форме расказаць як пад Новы год патрэбна збаўляцца ад непатрэбных рэчаў і звычак – 4 ачкі. Зрабіць выгляд быццам нічога асаблівага не здарылася і папрасіць дэпэ (гэта значыць дабаўкі) вінегрэта – 10 ачкоў.

Пытанне 3.Які з мультфільмаў, на ваш погляд, мог быць да месца на тэлеэкранах у навагоднюю ноч? “Кот у ботах”- 3 ачкі.”Прыгоды ката Леапольда”- 5, “Хто сказаў “мяў?” – 10 ачкоў.

Адказы. Калі вы набралі ад 1 да 10 ачкоў – гэта добра. Вы жывы і знаходлівы. У вас ёсць пачуццё гумару. Вы набралі ад 11 да 20 ачкоў – вельмі добра. Вы вясёлая і кемлівая асоба, прыцягваеце субяседнікаў, асабліва калі ўсміхаецеся. Ну, а калі ў вашай скарбонцы набралася ад 21 да 30 ачкоў – проста цудоўна: вы абаяльная і харызматычная асоба, а пачуццё гумару не здраджвае вам нават у навагоднюю ноч.

Ну, вось і ўсё. Цяпер можаце даносіць да вызначанай мэты свае бакалы і працягваць сустрэчу Новага года – года Белага Каня. Уявіце грацыёзнасць і рахманасць, іншым разам пагарную і гарэзлівую постаць гэтай добрай жывёліны і памочніцы вясковага чалавека. Самота вам не пагражае. Канечне ж, калі для мужчын стане нормай сумленна выконваць другі і пяты варыянт першага пытання. І не засмучайцеся, калі суседзі весяляцца гучней звычайнага ці госці заседжваюцца. Гэта да згоды і паразумення.

Вось і Дзед Мароз з падарункамі! Вось і мне тое-сёе перапала. З Новым годам, землякі з усіх краін свету – Расіі, Украіны, Казахстана, краін Еўропы і Амерыкі, Аўстраліі!

З новым шчасцем! Новых усмешак і прыгод! І не хвалюйцеся, калі ваша каханая або жонка набярэ іншым часам больш ачкоў, усяроўна пасля бою курантаў і трэцяга навагодняга тоста “За любоў!” усё ў вас (і ў нас таксама!) будзе агульным. Так, так – усё! Нават ў першы дзень Новага 2014 каву ў ложак не толькі мы, мужчыны, будзем падносіць сваім каханым.

Але і яны нам – каву ў ложак...

А пакуль успомнім кожны сваю радзіму, дзе закапана наша пупавіна. Абавязкова ўспомнім, нават калі будзе заможным жыццё ці наадварот цяжка рухацца і размаўляць.

З Новым годам!

Пішыце. Паразмаўляем.

E-mail:zhuravlev@tut.by

http://zhuravlev.at.tut.by

3 комментария:

  1. Правильно вы заметили.Кое- кто не только носом в венигрет, а и мордой в г... падает в этот романтичный и загадочный вечер и ночь. Вы смелее пишите, чувствуется, что вы сдерживаете свои эмоции и слова выбираете, а в России смело и нипочем - и о Президенте, и об эстрадных зазвездившихся секси-гейя-лезби и т.п. говорят. В Беларуси это не проходит. Мы читаем многие бел.журналы, государст-ые - сразу видно, что тут и мышь на подобную шутку не проползет. Люди - талантливые белорусы, но заиделогизированные. Мы читали вашу книгу юмора и сатиры Апалоник для директора. Нормально! Некоторые, шт. 4-5 из того можно смело предлагать Петросяну в Кривое зеркало. Так что - смелее тов.Журавлев! Используйте свой дар божий на полную. Не сегодня, через 5 лет опубликуете, не вечно же....

    ОтветитьУдалить
    Ответы
    1. Аркадий Журавлев26 января 2014 г., 8:53

      Дзякуй, Лелька, за кароткі, але натхняльны камплімент! Афанасию говорю спасибо за слова поддержки, они мне очень важны и необходимы для творчества. Что касается совета для Петросяна передать, постараюсь выполнить. С уважением -Аркадий Журавлев.

      Удалить