Пакланіўся класікам беларускай літаратуры ЯНКУ КУПАЛУ І ЯКУБУ КОЛАСУ

Пакланіўся класікам беларускай літаратуры ЯНКУ КУПАЛУ І ЯКУБУ КОЛАСУ

Даўно збіраўся наведаць магілы класікаў роднай літаратуры, народных пісьменнікаў Беларусі Якуба Коласа і Янкі Купалы. І вось такая магчымасць надарылася. Купіў два аднолькавыя букецікі кветак і - на Вайсковыя могілкі, што ў Мінску, акурат так выпала, што ў юбілейны дзень літаратурнай дзейнасці народнага поэта Беларусі Я.Купалы, 28 траўня.


Тады, у год 30-гадовай творчасці паэта была прынята Пастанова СНК БССР, якой "за плённую творчую дзейнасць, "асабліва каштоўную яго апошніх гадоў, у прыватнасці паэмы "Над ракою Арэсай", быў узнагароджаны легкавым аўтамабілем.

У самым ражку - два велічныя помнікі. Янка Купала, седзячы ва ўвесь рост (скульптары А.Анікейчык і А.Заспіцкі), басанож, як звычайны беларускі селянін, глядзіць удалеч, разважаючы пра будучыню свайго народаі.

Чамусьці Якубу Коласу, таксама заснавальніку новай беларускай літаратуры і літаратурнай мовы, толькі барэльеф з трох каменных частак (скульптары У.Ананька і М. Якавенка).


Усклаў букецікі, пакланіўся таленту аўчынным класікам літаратуры, успомніўшы іх асобныя творы -"Мая доля", "Мужык", "ЖАЛЕЙКА", "Паўлінка", "Прымакі", "Тарасова доля", "Раскіданае гняздо" ... Як і Коласавы творы- "Песні жальбы", "Казкі жыцця", "Дрыгва", "Рыбакова хата", "На ростанях" і неўміручая "Новая зямля"... З гэтай паэмаю асабіста я ніколі не растаюся дзе б ні быў: "Мой родны кут, як ты мне мілы!...!

Якія волаты! Які магутны талент нашых айчынных класікаў! Якае спеўная і сакавітая мова! Вось дзе ўзор для кожнага з нас, творцаў!

Вечная памяць і вечная слава!

Ваш Аркадзь Жураўлёў.

P.S. Штосьці не чуваць паэтычнага голасу маёй зямлячкі Антоніі Ільінскай, што зараз жыве ў ЗША?

E-mail:zhuravlev@tut.by
http://zhuravlev.at.tut.by

Бараўляны: сустрэча з вучнямі школы і гімназіі

Бараўляны: сустрэча з вучнямі школы і гімназіі

Нават не думаў, што тут, у Бараўлянах, ведаюць пра мяне і маю творчасць. Таму, як крыху ачуняў, наведаўся ў сельскую бібліятэку пасёлка Лясны. Запрасілі выступіць перад школьнікамі, але навучальны год падыходзіў да свайго заканчэння і ў дзятвы пачыналася вясёлая пара - ка-ні-ку-лы. А як запоўніць іх вольны час тут добра ведаюць. Загадчыца бібліятэкі Марына Іванаўна Даміно і загадчыца Дома культуры Людміла Іванаўна Лаўрэнава праводзяць для дзетак жыхароў пасёлка розныя цікавыя мерапрыемствы - казачныя забавы і падарожжы ў казку, конкурсы малюнкаў і дзіцячых калектываў, інтэлектуальныя марафоны і сустрэчы з цікавымі людзьмі, паходы ў "жывую прыроду" ды інш.

На адну з такіх сустэч запрасілі мяне. Яна так і зацверджана ў планах абедзвюх устаноў - "Сустрэча з пісьменнікам". Поўная зала дзетак узросту ад 1-га да 5-га класаў. Усе такія вясёлыя і няўрымслівыя, цікаўныя і непаседлівыя.

Я люблю дзяцей (маю цікаўнага ўнучка гарэзу Іллюшыка), і пішу для іх, таму, што кіруюся пяццю запаведзямі:
па-першае, таму, што дзеці - усмешкі Божыя;
па-другое, не забыўся, што і сам калісьці быў дзіцёнкам і ніколі, пакуль не паступіў ва ўніверсітэт, не бачыў на ўласныя вочы жывога пісьменніка, здавалася, што яны, пісьменнікі, небажыхары;
не заўсёды бываю сур'ёзным;
не ацэньваю дзіця, а толькі яго ўчынкі. Дзеці - плады выхавання;
нарэшце, пятае:
не бываю абыякавым да іх. Знаходжу агульную мову з дзеткамі і сам вучыся ў іх.

Былі пытанні, на якія адказваў шчыра і яны гэта адчувалі, таму і смех, і апладысменты часта гучалі. Самаму ўважлівам хлопчыку, які перамог у віктарыне па маіх творах, тут жа, на сцэне, падараваў са сваім аўтографам кнігу "Апалонік для дырэктара".

І абавязкова - здымак на памяць.



Да новых сустрэч!
Ваш Аркадзь Жураўлёў.

E-mail:zhuravlev@tut.by
http://zhuravlev.at.tut.by

У МІНСКІМ БАТАНІЧНЫМ САДЗЕ КВЕЦЕНЬ

У МІНСКІМ БАТАНІЧНЫМ САДЗЕ КВЕЦЕНЬ

Пабачыць экзатычную флору не толькі з розных куткоў былога СССР, але і з усяго свету ад Амерыкі да Афрыкі, Аўстраліі, Еўропы ды Азіі карцела не толькі мне, але і майму пяцігадоваму ўнуку Іллюшыку. Яшчэ падчас вучобы на журфаку БДУ наведваў Батанічны сад Акадэміі навук Беларусі і ведаў, што з таго часу многае змянілася да лепшага, значна пашырылася каштоўная калекцыя жывых раслін, дыхае прахалодаю азярко з рыбаю, качкамі ды лебедзямі. Ды й розных міфалагічных скульптурных кампазіцый з’явілася.



















І народ ідзе сем’ямі адпачыць. Чарга не меншая як у Маўзалей. Цікава і з карысцю правялі час.

Аркадзь Жураўлёў, член Саюза пісьменнікаў Беларусі

E-mail://zhuravlev@tut.by
http://zhuravlev.at.tut.by